{"product_id":"te-kaieke-tohora","title":"Te Kaieke Tohora : the Whale Rider Te Reo Edition","description":"\u003ci\u003eWhakamiharo ana tera te tirohanga atu ki a ia, ki te kaieke tohora. I rere atu te wai i a ia, ka hamama tona waha kia taea ai te hau makariri te kupa iho. Ko ana karu e kohara ana i te ahurei. Korekoreko katoa ana te tinana i te rehu taimana. I runga i taua taniwha ano nei he tekoteko paku kua whakairotia, e tino haura ana, e koratarata ana, e tu torotika ana. Ano nei na tona tino kaha, e to ake ana ia i te tohora ki te rangi . . .\u003c\/i\u003e\u003cbr\u003e \u003cbr\u003e Ko Kahutia-te-rangi te kaieke tohora, te tipuna o nga iwi o Te Tai Rawhiti. I haere mai ia i Hawaiki, te kainga o nga Tawhito, ki te tai rawhiti o Aotearoa. No muri mai ko Kahu, te matamua o nga mokopuna tuarua a te whanau. I arohaina ia e ona whanaunga katoa engari ko tera i tino pirangi ia kia aroha atu, kaore i aroha atu - ara, ko tona tipuna tane tuarua.\u003cbr\u003e \u003cbr\u003e \u003ci\u003eKua rongo au i a Kui Putiputi e tiwe ana i te hau, 'E Kahu!'\u003c\/i\u003e\u003cbr\u003e \u003ci\u003eI te toia iho au e oku putu. Me tu rawa au ka wetewete. I moumou noa iho te wa ki tenei mahi engari he pai ake tera i te toromi. Riro atu ana nga putu i nga au pioi.\u003c\/i\u003e\u003cbr\u003e \u003ci\u003eKa titiro ake au. I te kimi au i hea ke ra a Kahu. I hikitia ake au e nga ngaru ka tuku iho ano.\u003c\/i\u003e\u003cbr\u003e \u003ci\u003eKa tiwaha atu au, 'E Kahu, kaua.'\u003c\/i\u003e\u003cbr\u003e \u003ci\u003eKua tae ke atu ia ki te tohora, a, e pupuri ana i te kauwae.\u003c\/i\u003e\u003cbr\u003e \u003cbr\u003e Mama noa iho te huri mai i te ao purakau ki te ao tuturu, mai i te whakatangi ki te whakakata. Ko tenei pukapuka ko \u003ci\u003eTe Kaieke Tohora\u003c\/i\u003e ka whakamanaru i te kaipanui ahakoa pehea te pakeke.","brand":"Unity Books","offers":[{"title":"Te Kaieke Tohora","offer_id":46448711270597,"sku":null,"price":27.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0625\/6679\/3413\/files\/978-0-14-377416-7.jpg?v=1782281404","url":"https:\/\/unitybooks.myshopify.com\/products\/te-kaieke-tohora","provider":"Unity Books","version":"1.0","type":"link"}